Këngëtarja dhe aktorja amerikane Demi Lovato mbrëmë është dërguar në spital pasi ka arritur në mbidozë nga droga ende të paditura. Gjendja e saj është stabile, pasi shoqëria e saj i kishin dhënë një opioid kundër mbidozës, që thuhet t’i ketë shpëtuar jetën.
Këngëtari që mban rekordin për këngën më të klikuar në YouTube, Luis Fonsi ka postuar një mesazh emocional për Lovaton, me të cilën ai ka bashkëpunuar në këngën shumë të suksesshme “Echame La Culpa”. Fonsi ka shkruar se Demi do ta tejkalojë këtë, pasi është e fortë dhe ka guxim.
Edhe ish i dashuri i Demit, aktori Wilmer Valderrama, me të cilin ajo ishte bashkë për 6 vite, ka shprehur shumë frikë për gjendjen e këngëtares. Një burim ka treguar për HollywoodLife se Wilmer është shumë i frikësuar dhe me emocione. Ai po kërkon mënyrën sa më të mirë, që ta ndihmojë Demin ta tejkalojë këtë gjendje.
