Një agresor seksual në Skoci, i cili mashtroi dy gra duke përdorur një objekt të panjohur në errësirë, ka përfunduar në regjistrin e krimeve seksuale. Carlos Delacruz, 35 vjeç, ka pasur marrëdhënie me dy gra dhe përdorte një instrument të panjohur në vend të organit të tij.
Të dyja viktimat janë ankuar se kanë provuar “dhimbje ekstreme” gjatë marrëdhënies me DeLacruz dhe ishin të detyruara të ndalonin, duke vuajtur nga dhimbjet edhe më pas. Delacruz, banues në Banknock, pranë Falkirk, nuk i linte gratë ta shihnin të zhveshur dhe gjithmonë kryente marrëdhënie me dritat fikur.
Të dyja gratë u tronditën kur zbuluan që Delacruz nuk kishte penis dhe kishte përdorur një objekt të panjohur. Delacruz pranoi dje në gjykatë penetrimin e të dyja grave me objektin e panjohur, pa miratimin e tyre. Ai ka pasur marrëdhënie me të dyja gratë në periudha të ndara midis 27 majit 2013 dhe 14 majit 2017. “
I akuzuar kishte marrëdhënie me njërën nga gratë midis majit 2013 dhe janarit 2016. Për herë të parë bënë seks në maj 2013. Ajo besonte se penetrohej nga penisi i tij. I akuzuari nuk ka penis”, tha prokurorja e çështjes. “Ajo e dinte që ai ishte i vetëdijshëm për trupin e tij dhe gjithmonë mbante veshur një bluzë. Gjatë marrëdhënies, ai mbante dorën në bazën e penisit”. Delacruz u ekzaminua nga mjeku dhe u vërtetua që nuk kishte penis.
