Facebook po ndjek hapat e YouTube duke lejuar përdoruesit që të fitojnë para nga postimet e tyre. Një pyetësor që është duke qarkulluar së fundmi në rrjet jep të dhëna se përdoruesit e verifikuar, pra jo ata me adresa fallso, do fitojnë para duke përdorur profilin e tyre personal.
Kompania po merr në konsideratë disa opsione që do t’u japin mundësi përdoruesve të fitojnë para. Nga idetë e paraqitura në pyetësor bëjnë pjesë opsione të dhurimit të dhurimit të parave nga fansat; sponsorizime të postimeve nga marka të ndryshme, një opsion për bamirësi (një tjetër koncept i huazuar nga YouTube) dhe të ardhura të mbledhura nga reklamat.
Përveç kësaj, pyetësori zbulon edhe butonin “call to action” (pak a shumë si veçoria e Facebook për faqet), i cili ju jep mundësi ndjekësve të regjistrohen tek postimet tuaj ose të blejnë diçka.
Përfaqësues të Facebook kanë thënë: “Është ende shumë herët, por ne jemi të përkushtuar për të krijuar një lidhje afatgjatë, ndoshta dhe financiare me përdoruesit tanë. Prandaj është mirë që të dimë mendimin e tyre.”
Qëllimi i Facebook është që t’i nxisë përdoruesit të postojnë më shumë artikuj dhe foto në rrjetin social, duke qenë se këto kohët e fundit është vërejtur një rënie e ndjeshme e postimeve nga përdoruesit.
