Nga Boldnews.al
Kur ministri i Turizmit Blendi Klosi mbajti një fjalim në Parlament se në këtë sezon nuk do kishte më jetë të humbura në det nga mungesa e rojeve bregdetare, pak e besuan dhe me të drejtë. Ishte thjesht një premtim rutinë, ndonëse në mes janë jetë njerëzish që nisen për pushime dhe kthehen në arkivol, duke lënë pas dhimbje e pengje të mëdha me pyethjet: po nëse do kishte rojë brengedatre a do shpëtonte, po nëse bashkia që administron plazhin do kishte vendosur shenjat e rrezikut a do shmangej tragjedia? Këto pyetje e kanë tani përgjigjen, ku ende pa nisur mirë fluksi i madh i pushimeve verore, janë regjistruar nëntë viktima në det.
Më rëndë ishte ngjarja e djeshme në Velipojë dhe Gjirin e Lalzit.
Një 28-vjeçar humbi jetën në Velipojë ndërsa tentoi të shpëtonte motrën dhe të fejuarën e tij. Arriti t’i nxirrte ata në breg edhe me ndihmën e disa pushuesve, por vetë humbi jetën. Pa u tretuar nga titrat e televizioneve informative kjo ngjarje, një tjetër jetë humbet pak kilometra larg Velipojës. Këtë radhë një 23-vjeçar nga Tirana u mbyt, pavarësisht se disa pushues u munduan ta nxirrnin në breg.
Mungesa e rojeve bregdetare ka rritur numrin e madh të pushuesve që humbin jetën. Ndonëse u investua në ngritjen e disa kullave të vrojtimit, pak prej tyre kanë personel të përzgjedhur dhe qëndrojnë si ngrehina për të bërë hije. Pak më ndryshe paraqitet situata në plazhin e Vlorës ku është mbuluar një pjesë e vijës bregdetare me roje dhe kjo ka sjellë rezultatet e saj, pasi sipas statistikave, prej tyre janë shpëtuar gjashtë pushues. Ndërkohë në Durrës dhe Velipojë mungojnë gati plotësisht kullat e vrojtimit dhe rojet bregdetare.
Në ligjin e miratuar, bashkitë dhe Agjencia e Bregdetit marrin përsipër si në ngritjen e kullave në një disancë jo më larg se 300 metra nga njëra tjetra, ashtu edhe me personel të kualifikuar. Por të dyja institucionet ia kalojnë përgjegjësinë njëra-tjetrës dhe për aq kohë sa të gjejnë kush është përgjegjësja, jetët e njerëzve humbasin në det, pavarësisht mburrjes qeveritare për rritjen e numrit të pushuesve.
Turistët janë të rrezikuar edhe nga motoskafet dhe motorrët e ujit që lëvizin lirshëm mbi kokat e pushuesve në zonat e ndaluara për lundim. Mënyra qesharake dhe e papërgjegjshme nga institucionet shtetërore vijon edhe me shërbimin mjekësor në vijën bregdetare. Kanë qenë të shumtë rastet kur pushuesit janë nxjerrë me shenja jete nga deti, por vonesat për t’i dërguar në spital dhe mungesa e automabulacave shtojnë gjithnjë e më shumë bilancin e jetëve të humbura.
Ato pak autoambulanca që “patrullojnë” në vijën bregdetare nuk kanë asnjë aparaturë mjekësore për të ndërhyrë në raste të tilla, por shërbejnë vetëm si mjete transporti, ndonëse duhet të ishin të pajisura si me personel të kualifikuar ashtu edhe me aparturat e duhura. Ndonëse bilancet për humbjen e jetëve të pushuesve pritet që të shtohen, sërish mburrja qeveritare për rritjen e numrit të turistëve nuk do të mungojë. Janë parashikuar disa takime, konferenca dhe shfaqje publike të kryeministrit për të treguar një Shqipëri turistike imagjinare të prezantuar nga “prestigjiatorit” Rama.
