Partia Demokratike ka bojkotuar seancën e sotme plenare, e cila ishte e fundit për këtë sezon. Lulzim Basha ka mbledhur grupin parlamentar paralelisht me punimet e Kuvendit. Mësohet se vendimi i PD në mbledhjen e grupit, ka qenë për të mos marrë pjesë në punimet e Kuvendit.
Mungesa e opozitës bën që ligjet që kërkojnë 84 vota, siç është dhe ai për Magjistratët, pjesë e Reformës në Drejtësi, të mos votohen dhe të shtyhen për në shtator.
Më herët, kryetari i PD-së Lulzim Basha priti në një takim ministrin e Shtetit për Çështje Evropiane në Ministrinë e Jashtme gjermane, Michael Roth. Pak pas takimit Basha mblodhi grupin parlamentar, ku u mor edhe vendimi per bojkotin.
Kujtojmë se LSI ishte e pranishme ne sallen e Kuvendit, ku qëndroi në pritje të kolegëve të tjerë opozitar të PD-së.
