Kryetari i Grupit Parlamentar të Partisë Demokratike, i ka dërguar sot një letër kryetarit të Kuvendit Gramoz Ruçi ku deklaron se PD nuk do të dërgojë asnjë anëtarë për nën komisionet e vettingut në polici.
Duke ju referuar letrës thuhet se ky proces është një farsë prandaj refuzohet mbikëqyrja e procesit të Vettingut në Polici.
“Problematikat e renda qe po kalon sot Policia e Shtetit nuk zgjidhen me vetting fasade ndaj punonjësve te thjeshte te Policisë, por me vetting ndaj drejtuesve politik te Ministrisë se Brendshme, qe jane autoret e kriminalizimit te segmenteve te caktuara te Policise se Shtetit. Per kete qellim, ne kohen e miratimit te ligjit kemi propozuar qe vettingu ne rradhet e Policise se Shtetit te filloje nga drejtuesit politik, duke nisur me Ministrin e Brendshem. Kjo kerkese e jona nuk u pranua, duke provuar ne kete menyre farsen e ketij procesi”, thuhet në letrën zyrtare që Spaho i dërgon në emër të PD, kreut të Kuvendit.
Deklarata e PD
Kryetari i Grupit Parlamentar të PD, Edmond Spaho sqaron në një letër drejtuar Kryetarit të Kuvendit arsyet përse PD e konsideron farsë dhe nuk do të çojë anëtarët e saj në nënkomisionin parlamentar që mbikqyr vettingun në polici.
Në letër thuhet se “ligji është një mekanizëm fasadë i Qeverisë që, me propagandë, të mbulojë lidhjet e Qeverisë me krimin e organizuar, të mbajë nën kontroll politik dhe të realizojë spastrime politike në Policinë e Shtetit.”
Argumenti kryesor që zoti Spaho përmend në letër dhë që provon farsën e vettingut ne polici ishte mospranimi nga maxhoranca i propozimit thelbësor të PD, që vettingu në rradhët e Policisë së Shtetit të fillojë nga drejtuesit politikë, duke nisur me Ministrin e Brendshëm.
“Sa kohë procesi i vettingun, drejtohet nga një Ministër i Brendshëm, i lidhur me krimin e organizuar dhe që nuk pranon që vetë të jetë subjeki i procesit të vettingut, opozita e konsideron këtë proces një farsë të papranueshme, ku nuk mund të bëhet pjesë.”- thotë kreu i deputetëve demokratë, Edmond Spaho.
Për PD është e papranueshme që, një punonjës i thjeshtë i Policisë së Shtetit, të konsiderohet me ligj si i papërshtatshëm me detyrën për shkak se një kushëri i tij është i dënuar më parë, ndërkohë që drejtuesi politik, Ministri i Brendshëm, e ka vëllanë të dënuar dhe në burg për trafik ndërkombëtar droge dhe pjesëmarrje në organizatë kriminale.
LETRA E PLOTË
