Kreu i Gjykatës së Lartë, Xhezair Zaganjori është përballur sot me procesin e veting-ut. Kryetari i Gjykatës së Lartë, Xhezair Zaganjori ishte i pranishëm pa avokat përballë Komisionit te Pavarur të Kualifikimit.
Trupi gjykues drejtohej nga Olsi Komici, me anëtarë Roland Ilia dhe Pamela Qirko. Relatorja Pamela Qirko, tha se “ILDKPKI e ka nxjerre të pastër pa probleme për pasurinë. KPK kreu hetimin administrativ të sajin për verifikimin e pasurisë së Zaganjorit, ku rezulton me disa probleme me deklarime fiktive”, tha Qirko.
“Subjekti ka kryer deklarime fiktive për blerjen e apartamenteve. Ka shmangur taksat dhe ka fshehur vlerën e apartamenteve. Po ashtu subjekti nuk justifikon të ardhurat e para vitit 2003 që ka deklaruar. S’ka asnjë kontrate për këto qira”, tha ndër të tjera Qirko.
