Nga Boldnews.al
Ministrja e Kulturës Mirela Kumbaro ka “çelur gogën” për çështjen e Teatrit Kombëtar, duke e bërë të qartë se presin vetëm procedurat rutinë ligjore që teatri të shembet dhe më pas të ndërtohet një i ri. Ajo ka shprehur keqardhje për “keqkuptimin” nga artistët dhe është e ndjeshme ndaj lotëve të tyre që derdhin për shëmbjen e teatrit…
“Mirëkuptoj të gjitha format e protestës si përmes të bërtiturave e lotëve por jo përmes fyerjeve e përbaltjes. Lotët janë më shumë dinjitozë. Është çështje komunikimi. Kemi pasur një numër të madh artistësh që ndoshta nga mosmarrja e informacionit të duhur, gjithmonë e më shumë dialogojnë dhe fyerjet e sharjet i zëvendësojnë me mirëkuptim. Unë nuk kam refuzuar të pres të gjithë aktorët e artistët. Unë i kam pritur aktorët, ose një përfaqësi në zyrën tim, ashtu sikurse i ftuam edhe në Kryeministri”, tha Kumbaro.
Është e vërtetë që Kumbaro i ka pritur aktorët, por e ndodhur ngushtë pasi e kryqëzuan me fakte, ministrja kërkoi ndihmë për të dalë nga kjo situatë, ku edhe pse e dinte që ishte vendosur që të prishej teatri kombëtar, vetë ajo nuk mundi ta pohonte. Në dorë këtë situatë ia la llafologut të sprovuar kryebashkiakut Erion Veliaj, që me mjeshtrinë e tij të mashtrimit arriti fillimisht të përçante aktorët e më pas manipulonte me foto, firma e dëshmi të paqena.
Në këtë rast Mirela Kumbaro do të mbajë përgjegjësinë morale si ministrja e kulturës që shkatërroi kulturën. Faktet nuk mundojnë. Një vit më parë ndërsa bënte fushatë elektorale në qarkut e Gjirokastrës, plot pompozitet, u lajmërua për shembjen e urës tre shekullore në Orgockë të Kolonjës. Ministrja u justifikua se nuk kishte dijeni dhe se Instituti i Monumenteve të Kulturës po mundohej të kryente restaurim, por për çështje fondesh dhe kohës së keqe me shi nuk u arrit të shpëtohej ky objekt më rëndësi. Nën këmbët e saj ra një urë, disa objekte kulti u rrënuan, mure kalash të perudhës së antikitetet gjithnjë e më shumë të rrënuara dhe ministrja që shmangte çdo përgjegjësi, me shprehjen “nuk ka fonde”….
E vërteta është mjaft e rëndë në Ministrinë e Kulturës, pasi janë akorduar fonde, por kanë shkuar për të kuruar imazh dhe jo ruajtur një trashëgimi. Shumë para janë hedhur për restaurimin e lapidarëve të ngritur gjatë periudhës komuniste, ndërsa janë harruar krejtësisht objektet e rëndësishme të trashëgimisë kulturore. Qindra monumente të periudhës së antikitetit dhe mesjetës janë lënë krejtësisht pa ndërhyrje, duke rrezukuar shfarosjen. Thuajse të gjithë fondet që kjo ministry ka marrë në vite janë përdorur për ringjalljen e objekteve të komunizmit apo për aktivitete kulturore me ahengje…
