Aras Bulut İynemli të cilin e kemi parë në rolin e Mert në serialin I Infiltruari që është transmetuar në Klan Plus, ka përfituar 70 mijë lira vetëm për një seri në serialin e tij të ri Çukur dhe ndodhet në listën e 10 aktorëve më të paguar në Turqi.
Ndër më të paguarit janë edhe dy protagonistët e serialit Vatanim Sensin. Halit Ergenç të cilin e njohim si Sulejmani në serialin Sulejmani i Madhërishëm ka përfituar plot 160 mijë lira, ndërsa bukuroshja Bergüzar Korel ka marrë 80 mijë lira vetëm për një seri të serialit.
Në TOP 10 aktorët më të paguar është edhe Engin Altan Düzyatan për rolin e Ertugrul në serialin me të njëjtin emër që këtë sezon u transmetua në Klan Plus. Ai ka përfituar 75 mijë lira turke për një seri në këtë serial.
Në krye të listës është Kenan İmirzalıoğlu, i cili ka përfituar 350 mijë lira për vetëm një episod në serialin historik më të ndjekur të vitit, Mehmet Pushtuesi që duke nisur nga Shtatori do të transmetohet në Tv Klan.
