Avokati i Emiljano Shullazit ka deklaruar se klienti i tij nuk e ka kërcënuar kandidatin për rektorin e Universitetit të Tiranës gjatë seancës së sotme në gjyq.
“Kandidati për Rektor i UT-së, Mynyr Koni nuk është kërcënuar nga Emiljano Shullazi”, tha Alban Qafa në përfundim të seancave për masat e sigurisë për Emiljano dhe Blerim Shullazin si dhe për Gelmando Danin. Sipas tij, në sallën e gjyqit, prokuroria nuk e lexoi këtë akuzë për Emiljano Shullazin.
Po sipas avokatit, akuza për kërcënim të kandidatit për Rektor të UT-së, Mynyr Koni është bërë nga kushuriri i Emiljano Shullazit, shtetasi Blerim Shullazi. Kështu të paktën pretendoi prokuroria gjatë seancës për masën e sigurisë në Gjykatën e Krimeve të Rënda.
