Sezoni i ri televiziv në ‘Klan’ do të vijë me risi jo vetëm në programacion por edhe në skenografi. Njëri nga programet i cili duket se do të ketë një studio krejtësisht të re është ‘E diela shqiptare’. Këtë detaj e ka zbuluar i zoti i shtëpisë, prezantuesi Ardit Gjebrea, muaj më parë kur e gjitha ishte ende një projekt në letër.
Duke se tashmë gjithçka është konkretizuar dhe kanë filluar përgatitjet. Në një foto që Gjebrea ka postuar në ‘Instagram’ shihet se po punohet për ngritjen e një studioje tërësisht të re.
‘Po fillon një studio e re të ndërtohet, ‘E diela Shqiptare’ në sezonin e ardhshëm, me shtëpi të re’- ka shkruar Arditi bashkangjitur fotos nga ambientet ku po kryhen punimet.
