Eshtë zbardhur ngjarja e rëndë që u shënua mbrëmjen e së hënës në qytetin e Shkodrës. 45-vjeçarja Suela Sulo, është vrarë nga bashkëshorti, thotë policia një ditë pas ngjarjes. Mësohet se i shoqi i ka futur duart në fyt në tualetin e dyqanit të tyre.
Ekspertët mjeko-ligjorë konstatuan disa shenja dhune në trupin e saj duke ngritur dyshime që 45-vjeçarja mund të jetë vrarë. Burri u mor në pyetje dhe më pas iu vunë prangat në Komisariatin e Policisë. Nuk dihen ende shkaqet e kësaj vrasje në familje.
