Shkarkimi i priftit ortodoks, At Nikolla Marku, nga kryepeshkopi, Anastas Janullatos, ka bërë që konflikti mes tyre të thellohet edhe më shumë.
Prifti ortodoks ka kërkuar publiksht të ndërhyhet pasi greku në krye të kishës shqiptare po kërkon derdhje gjaku. At Nikolla, e quan shkarkimin cenim të Kishës Ortodokse, ndërsa shprehet se ata që kërcënojnë po vulosin fundin e tyre të padiskutueshëm.
“Anastas dhe Andon Janullatos keni përbaltur Atdheun tonë në çdo cep të botës, sepse dobësinë ekonomike dhe politike e keni trajtuar si pamundësi shtet bërje dhe besim bërje”, shkruan prifti At Nikolla Marku në një deklaratë publike. Revolta e tij vjen më e shtuar këto ditë kur u shkarkua nga kisha e Elbasanit.
Deklarata e plotë e tij
Shqiptarizmi i ortodoksise shqiptare nuk mund të cënohet nga banditë me veshje prifti dhe helm shovinizmi. Kush kërkon derdhje gjaku, brenda ortodoksisë shqiptare, do ta mbulojë gjaku i tradhtarit këmbë e kokë. Kush kërkon përcarje brenda besimtarëve të vërtetë ortodoksë, do ta mbulojë përcarja brendi shpirtit dhe mishit të kalbur që e mban në këmbë si ty Andon dhe Janullatos.
Metropolia e Elbasanit, është një abuzim dhe përfitim nga takimi i Papës Francesku me Bartolomeun. Sa shpejtë u ngutën të nxjerrin përfitime në dëm të Shqipërisë dhe Papës vetë. Kushdo që cënon Kishën Ortodokse të ngritur nga Fan Noli, do të pësojë fundin e padiskutushëm si shërbëtorë të shovinizmit Vorio¬Epir.
Andon, alias Janullatos, ju bëjmë thirrje, të mos e pranosh bekimin e djallosur nga Janullatos. Të dorëhiqesh menjëherë. Ti djalosh, përfaqësues i fondacioneve of shore të Janullatosit i ke ditët e numëruara.
Andon dhe Anastas Janullatos, mos guxoni ti afroheni Kishës Shqiptare Ortodokse, sepse, gjaku që kërkoni të derdhni, do t’ju mbysë direkt juve, si në mendje ashtu dhe shpirt.
Na vjen shumë keq që, dy përfaqësues të besimeve të ndryshme fetare ishin aty, si babai i një teqeje, ashtu dhe një përfaqësues i kishës rajonale katolike. Sa keq që i përdorën në mënyrën më të pa besë. Turp për besimin dhe veshjen e tyre.
Harmonia fetare, nuk varet as nga Andoni dhe as nga Anastasi. Cdo përpjekje për përcarje në Elbasan dhe Shqipëri, do të ndëshkohet pa asnjë hezitim nga besimtarët e vërtetë shqiptarë por dhe nga ne si kishë.
Anastas dhe Andon Janullatos Ju e keni përbaltur Atdheun tonë në çdo cep të botës, sepse dobësinë ekonomike dhe politike e keni trajtuar si pamundësi shtet bërje dhe besim bërje. Po ju themi, jeni të mbaruar. Mos ju afroni Atdheut dhe besimit ortodoks shqiptar, sepse zjarri i ferrit ju pret.
Ftoj të gjithë besimtarët ortodoksë dhe simpatizantë, historianët, politikanët, patriotët e vendit tim, të dëshmojnë në Pashkët që po vijnë, forcën, besimin dhe dashurinë për historinë e ortodoksisë dhe Atdheut tonë. Le ti tregojmë Janullatosit dhe shërbëtorëve të tij tradhtarë, se sa e duam besimin dhe Atdheun tonë Shqipëri.
Këshilli i Kishës
At Nikolla Marku
