Shoferi personal i ministrit të Brendshëm, me vëlla trafikant droge të dënuar në Itali, vdes në garazhin e Gardës së Republikës.
– Vetëvrasje me tre ose gjashtë të shtëna në kokë. Vetëvrasja më kokëfortë në histori!
– Pastaj, tek ministri nga lidhjet e rrezikshme, një tjetër pakujdesi italiane.
Vetëvrasje me çdo kusht
Mistere shqiptare, vetëvrasje me gjashtë të shtëna. Donte patjetër të vdiste, përpiqet të mbështesë këtë tezë policia e Tiranës, me pak sforcime.
Shkelzen Qordja, 31vjeç, shoferi i Ministrit të Brendshëm Fatmir Xhafaj, kreu vetëvrasje duke qëlluar veten në anën e djathtë të kokës, i ulur në sediljen e shoferit të një makine shërbimi, lexojmë në lajmet lokale.
Kjo ndodhi në garazhin e Gardës së Republikës, reparti që merret me shoqërimin dhe sigurinë e politikanëve shqiptarë, i mbyllur nga brenda dhe i pa aksesueshëm nga jashtë, ku janë gjetur tre gëzhoja, versioni zyrtar i policisë ky, e cila duket një goxha këmbëngulje për të shkrehur armën me kafkën e thyer tashmë.
Tjetër burim, jo zyrtare por policeske, flet për gjashtë gëzhoja për një vetëvrasje fantazi.
Shkelzen Qordja ishte pjesë e Gardës prej pak më shumë se një vit. Para se të bëhet shofer i Fatmir Xhafaj ai kishte qenë shoferi i Engjëll A?ac?t, Sekretari i Përgjithshëm i Kryeministrisë, ish-avokat penal në Romë -siç lexojmë të portali Exit – ” i njohur për mbrojtjen e të gjithë kriminelëve kryesorë shqiptare në gjykatat italiane, një mik i mirë i Fatmir Xhafajt (ministri me vëlla narkotrafikant). Lidhje të çuditshme dhe këmbëngulëse familjare atje. I ‘vetëvrari’, me vëllain e tij Ermal, edhe ai pjëse e Gardës, para regjistrimit nw Garde, ishin shoferët personal të Xhafaj, ministër, dhe në miqësi të ngushtë me vëllain e tij Agron, narkotrafikant.
Skena e krimit.
Një deklaratë nga policia, jo e lëshuar nga Prokuroria, raporton për plagë të ndryshme me armë zjarri të shkrehura nga e djathta në të majtë, dhe arma e shërbimit në dorën e djathtë të tij dhe e vendosurs në pozicionin e qitjes në breshëri. Rindërtim pak i pabesueshëm ky, në pritje të certifikimeve të tjera.
për politikën çdo gjë është e qartë qysh në fillim: vetëvrasje për qeverinë, tashmë duke u marrë me skandalin narko vëllait të ministrit; ndërsa për opozitën është larje hesapesh të tipit mafioz.
Informacione keqdashëse kundërshtuese dhe të interesuara, por rrethanat nuk ndihmojnë. Rreth dy javë më parë Komandanti i Shërbimit Operacional të Gardës së Republikës, Martin Nika, u mor përpara dhe u vra nga një makinë në kundravajtje që pastaj u zhduk. Me dyshimin për vrasje të qëllimshme/të shënjestruar.”
Marrë nga Remocontro.it
