Djali i Tina Turner, Craig Raymond është gjendur i vrarë në shtëpinë e tij në Studio City të Kalifornisë. Sipas mediave ndërkombëtare, 59-vjeçari dyshohet se ka kryer vetëvrasje me armë zjarri, por arsyet mbeten ende të paqarta.
Sipas TMZ ai u gjend pa shenja jete nga autoritetet pak pas mesditës. Lajmi i hidhur është konfirmuar edhe nga Mjekësia Ligjore në Los Angeles. Ndërkohë që policia vijon hetimet, thuhet se nga këngëtarja e famshme nuk ka ende asnjë deklaratë. Tina Turner prej vitesh jeton në Zvicër.
Vetëm pak orë para fundit tragjik të të birit, Tina mori pjesë në shfaqjen e Giorgio Armani në Javën e Modës, në Paris. Craig u adoptua nga bashkëshorti i saj, Ike Turner, pas martesës së tyre në vitin 1962.
Ai ishte djali i parë i lindur nga Tina, kur këngëtarja ishte vetëm 18 vjeç, para se të martohej me Ike Turner. Babai i tij biologjik ishte një saksofonist, Raymond Hill
