Barcelona dëshiron ta mbrojë nderin e Abidalit, të fondacionit dhe spitalit në të cilin u krye procedura e transplantit të mëlçisë.
Në përgjigjen e një telefonate nga “Sport”, burimet e Barcelonës e kanë mohuar kategorikisht mundësinë e ndonjë keqpërdorimi në transplantin e mëlçisë së Eric Abidalit.
Burimi i njëjtë insiston se ata i besuan plotësisht klinikës së spitalit gjatë procesit të transplantit të francezit, i cili tashmë është drejtori sportiv i Barcelonës.
Klubi katalanas thotë: “Nuk mund ta vini në dyshim nderin e Abidalit apo të fondacionit i cili u krijua që nga fillimi i transplantit”.
Sipas “Sport”, Barcelona dhe Abidali dëshirojnë ta studiojnë rastin me qetësi dhe në javën tjetër pritet të publikohet një komunikatë zyrtare.
