Portieri rus Igor Akinfeev, ka zbuluar se si i priti penalltitë e Koke dhe Iago Aspas. Sipas tij, ai e dinte shumë mirë se ku do të godisnin spanjollët.
“Nuk isha stërvitur sepse prisja që të kualifikoheshim në kohën e rregullt. Por e dija ku do të godisnin ata”, tha Akinfeev në konferencën e shtypit në Novogorsk.
“Tek penalltitë që prita, e dija fare mirë se ku do të shkonte topi. Pata edhe fat. Sfida me Kroacinë? Ndjek vetëm skuadrën time. Kam parë disa ndeshje në Botëror, por Kroacinë nuk e kam parë”, ka thënë portieri rus.
