Gazeta spanjolle “El Mundo Deportivo” ka paralajmëruar se qendërmbrojtësi 23-vjeçar, Clement Lenglet do të nënshkruajë me Barcelonën një marrëveshje 5-vjeçare.
Te Sevilla kishte si trajner edhe italianin Vincenzo Montella dhe do të ndahet nga vëllai i tij Corentin, i datëlindjes 1998, mbrojtës i majtë, gjithashtu i mbërritur nga Nancy, aty ku kishte nisur karrierën një idhull si Michel Platini.
Në 18 muaj është imponuar dhe konsoliduar në pozitat e një prej qendrorëve më të mirë në La Liga.
Tani, pas pushimeve e pret Barcelona, e cila mësohet të ketë finalizuar transferimin e lojtarit francez nga Sevilla për shumën e 35 milionë eurove. Te klubi blaugrana, Lenglet do të gjejë bashkëkombasit e tij Samuel Umtiti, Ousmane Dembelé dhe Lucas Digne.
Lenglet është futbollisti i shtatëmbëdhjetë francez i kontraktuar nga Barcelona: të tjerët janë disa prej legjendave botërore: Eric Abidal, Laurent Blanc, Philippe Christanval, Frederic Dehu, Christophe Dugarry, Richard Dutruel, René Fenouillere, Ludovic Giuly, Thierry Henry, Jeremy Mathieu, Lucien Müller, Emmanuel Petit dhe Lilian Thuram.
