Kupa e Botës do të mbahet mend prej vitesh si edicioni i parë, në të cilën u përdor sistemi VAR.
Një instrument tërësisht i ri për shumë, dhe i sapo eksperimentuar gjatë sezonit të fundit për të tjerë.
Dhe në fakt shumë nuk e kanë vlerësuar prezantimin e tij. Anglezët, shpikësit e futbollit, mund të kishin bërë edhe pa atë, ndërsa Brazili, për shembull, i dërgoi edhe një letër FIFA-s për shpjegime në lidhje me golin që iu akordua Zvicrës.
Serbia u zemërua për një penallti të munguar ndaj Mitroviçit (gjithnjë kundër Zvicrës), ndërsa marokeni Amrabat ulëriti përpara telekamerave pas indinjatës për golin e konfirmuar të Iago Aspasit.
Por Pierluixhi Kolina, presidenti i Komisionit të Arbitrave në FIFA, e ka quajtur një sukses përdorimin e teknologjisë që po ndihmon arbitrat për të arritur të marrin vendime të drejta në ndeshjet e deritanishme në 99.3% të rasteve.
Sipas “Panorama Sport”, VAR-i ka ndërhyrë plot 335 herë deri tani, edhe pse shumicën e tyre në heshtje.
Dhe një gjë është e sigurt. Se pa ndërhyrjet e tij, ne në 1/8-at do të kishim të njëjtat skuadra, por të çiftuara në mënyrë të ndryshme.
Për shembull: Uruguai do të luante kundër Spanjës dhe jo Portugalisë. Argjentina mund të kishte shmangur Francën, ndërsa Brazili Meksikën.
