Ish-nënkryetarit të Bashkisë së Tiranës, Enno Bozdo, tha sot se bilanci i kryetarit të Bahkisë së Tiranës, Erion Veliajt, është vetëm beton, taksa të larta, mungesë shërbimi, dhe sot ka zgjedhur të mburret me punët e Lulzim Bashës.
“Këtë gjë bëri sot dhe me Lumin e Tiranës, duke e shitur si projekt të tij, kur në të vërtetë i vetmi kontribut i Veliajt dhe shefit të tij është bllokimi i punës tek Lumi për rikualifikimin urban. Punimet për rehabilitimin e Lumit të Tiranës, është projekti i iniciuar nga Lulzim Basha parashikonte shndërrimin e lumit dhe hapësirës përreth në një oaz për banorët e bashkisë së Tiranës dhe të komunës së Paskuqanit. Deri në janar të 2011-ës ky lumë ishte përdorur si vend depozitim mbetjesh dhe në të derdheshin ujërat e zeza. Ai ishte shkaktar i permbytjeve te mëdha qe preknin cdo vit afro 1000 familje te zones!”, tha Bozdo.
Bozdo tha se “Basha kishte nisur negociatat me fondin e Abu Dabit që pjesë e financimit të bëhen edhe 1.5 km të tjera të gjatësisë se lumit, të shtrihet në zonë urbane duke e çuar në 8.5 km gjithë gjatësinë ku do të ndërhyhet nga bashkia e Tiranës për rehabilitimin e tij dhe u ndërpre nga Edi Rama, ndërsa Veliaj sot zgjedh te mburret me punet e tjeterkujt”.
