Tirana ka siguruar ditën e sotme, shërbimet e dy lojtarëve ganezë për këtë merkato vere. Vinsent Atinga dhe Uinful Kobinah, do të vishen “bardheblu” nga sezoni tjetër.
Vinsent Atinga luan si mbrojtës, me një shtatlartësi plot 190cm i gjatë. 24-vjeçari luan tek ekipi “Hearts of Oak” në Premier Leaguen e Ganës.
Ndërkohë, Uinful Kobinah është 26 vjeç, dhe roli i tij është mesfushor i avancuar. Gjithashtu, edhe Kobinah aktivizohet tek po i njëjti ekip ganez. Të dy lojtarët janë grumbulluar edhe me kombëtaren ganeze. Pas firmave me Blazheskin dhe Imamin, tashmë Tirana shpreson që dy ganezët të ofrojnë cilësi për ekipin në sezonin e ri në Superiore.
(Vinsent Atinga dhe Uinful Kobinah dy lojtarët ganezë që i bashkohen Tiranës)
