Kadir Inanir, një prej legjendave të kinematografisë turke, ka vendosur të rikthehet në sheshet e xhirimeve pas një periudhe shkëputjeje 7 vjeçare.
Gazeta turke “Hurriyet” raporton se aktori 69-vjeçar, i cili njihet edhe në Shqipëri për rolin e Iljasit në filmin “Shamikuqja” (1978), ka vendosur të rikthehet me një projekt tek i cili beson së tepërmi.
Filmi në të cilin do të shfaqet Inanir do të xhirohet mes Mardinit dhe Stambollit në Turqi dhe Suedisë. Titullohet “Porta” dhe xhirimet pritet të nisin në muajin Gusht. /tvklan
