Kryetari i opozitës Lulzim Basha, i cili e ka akuzuar Sekretarin e Përgjithshëm të PS, Taulant Ballën, si garantuesin e miliona eurove të kapura në portin e Durrësit, ka deklaruar sot se ato janë paratë e bandës së Elbasanit.
Një ditë pasi deputeti socialist Taulant Balla i nxori në Kuvend foton me vëllain e një prej personave të shpallur në kërkim si porositësi i makinave “Toyota Yaris”, ku u gjetën 3.4 mln euro, ka reaguar kryedemokrati Basha.
“Parashtrimi i fotos vërteton vetëm se balla është kapobanda, dhe e ka marrë atë nga banda e Elbasanit. Nuk e mbaj mend, dhe as nuk më ka prezantuar njëri me atë person. Një gjë mund të them, nëse është ai, ta marrin ta arrestojnë tani në këtë moment. Nuk e mbaj mend momentin e takimit .unë takoj mijëra njerëz. Personi në fjalë nuk më thotë gjë. Por Taulant Balla është garantuesi i eurove”, u shpreh kryedemokrati Basha.
