Nje vjedhje e bere dy dite me pare ne nje argjendari në Athinë, duket se ka cuar policine greke ne gjurme te shqiptarit te akuzuar per vrasjen e avokati të njohur grek, Mihalis Zafeiropoulos qe u ekzekutua në zyrën e tij në qendër të Athinës, më 12 tetor 2017, raportojne mediat greke.
(Letra e shkruar nga shqiptari)
Pas ngjarjes policia arrestoi shqiptarin Mikel Brahimaj, i cili e pranoi krimin, nderkohe qe shpalli ne kerkim nje tjeter shqiptar, me emrin Aleksandro, Aleksandros apo Eno, me mbiemrin Mata, i lindur në Shqipëri, më 14 janar 1987. Por ai nuk u kap dot.
Pas grabitjes se argjendarise policia ka shume dyshime se ne kete veper kriminale fshihet pikerisht shqiptari i kerkuar. Kjo per shkak te nje letre gjetur ne vendin e grabitjes, ne te cilen shkruhet greqisht:
“Në çështjen e zotit Zafeiropoulos jemi të dy viktima. Këtë e shkruaj sepse di të marr përgjegjësinë time. Nëse do e dija s’do bëhej kështu siç u bë… Nuk e dija; ma futi. Po, kryej vjedhje, po nuk jam vrasës”- shkruhet ne leter, e cila eshte firmosur me nënshkrimin “Maradona ne flatra”.
Kjo sipas policise eshte nofka qe shqiptari mbante kur luante futboll me ekipin e zones ku jetonte ne Greqi.
