Avioni rus “sulmon” atë amerikan në qiell

Gjatë një fluturimi rutinë në hapësirën ajrore ndërkombëtare, një avion luftarak rus “kreu manovra të çrregullta dhe agresive” teksa fluturoi vetëm 15 metra larg një avioni të Forcave Ajrore amerikane.

Lajmin e bëri të ditur komanda amerikane në Europë. Incidenti ndodhi mbi Detin Baltik.
Avionit maerikan iu “afruar një avion rus SU-27 në një mënyrë të rrezikshme dhe joprofesionale”, tha për CNN Danny Hernandez, një zëdhënës i Komandës.
“Veprimet e pasigurta dhe joprofesionale e një piloti të vetëm kanë fuqinë që t’i përshkallëzojnë tensionet në mënyrë të panevojshme mes dy vendeve”, tha ai.