Përfaqësuesja e Anglisë do të flejë një natë para në Kaliningrad, në një hotel që është pranë një klubi striptizmi. Banorët e zonës janë shprehur që pas mesante zhurma që vjen nga ky lokal nuk i lë që të bëjnë një gjumë të qetë. Hoteli ku do të vendosen “Tre Luanët” ndodhet në qendër të qytetit, ku gjithashtu karshi tij është edhe klubi në fjalë.
Një biznesmen i zonës, Ivan Torbinski tha për ‘Mirror’: “Nuk mund t’a besoj që një skuadër futbolli zgjedh të qëndrojë këtu një natë para ndeshjes Do të jetë shumë një zonë e tejmbushur me njerëz dhe do të ketë shumë zhurmë gjatë gjithë natës. Kjo zonë është për fansat të cilët vijnë kërcejnë dhe konsumojnë alkool. Klubi i striptizmit është i hapur dhe shumë i populluar. Dhomat e hotelit thuajse janë plot gjithmonë dhe klabi i natës ofron mesazhe erotike deri në orën 6-të. Kanë punësuar shtatë vajza për të përmbushur kërkesat që mund të kenë fansat e “Tre luanëve”. Të gjithë e njohin këtë vend dhe e dinë se çfarë ndodh këtu”.
Anglia do të luajë ndeshjen e fundit ditën e nesërme në orën 20:00 ndaj Belgjikës në kuadër të Grupit G. Kjo sfidë do të përcaktojë kryesuesen e grupit, pasi për momentin të dyja janë me pikë të barabarta, gjashtë të tilla për dy fitoret e regjistruara deri më tani. Nesër në fushë do të mësojmë ‘muskujt’ e së cilës. Pritet të shohim diferencën që do të bëjnë në fushë yjet britanikë me Harry Kane, Jesse Lingard dhe Rahem Sterling ndërkohë në anën tjetër është Romelu Lukaku i United, De Bruyne dhe Eden Hazard.
