Kroacia përballet me Islandën në ndeshjen e fundit të grupit D e me shumë gjasa do ta mbyllë e para në grup këtë fazë, pasi pavartësisht ndryshimeve që ka ndërmend të bëjë trajneri Zlatko Dalic, duhet ta mundë Islandën.
Islandezët befasuan të gjithë në Euro 2016 ku mundën Anglinë në fazën e 1/8-ave, për t’u eliminuar nga Franca në çerekfinale. Në debutimin e tyre në Botëror nuk mendohet të shkojnë aq larg, por një fitore kundër Kroacisë mund t’i japë shpresa.
Në fazën kualifikuese për në Botëror, Islanda e mbylli grupin në vend të parë, me 22 pikë, duke lënë pas vetë Kroacinë me 20 pikë. Ballkanasve iu desh të mundnin në playoff Greqinë për të mbërritur në Rusi, por më në fund duket se po arrijnë të tregojnë më të mirën e vetes, pasi mposhtën Argjentinën 3-0. Megjithatë Dalic mund të zgjedhë të lërë pushim Ivan Rakitic, Šime Vrsaljko dhe Mario Mandžukić, të cilët kanë secili nga një karton të verdhë.
Lojtarët kyç
Luka Modric ka qenë deri tani kapiteni fantastik i Kroacisë, por sot do të ketë mundësi Mateo Kovacic për të treguar veten.
Sulmuesi Alfreð Finnbogason ka shënuar golin e vetëm të Islandës në Botëror deri tani dhe ka gjetur rrjetën në 3 nga 4 ndeshjet e fundit që ka luajtur me kombëtaren.
Shifra
Në përballjet mes dy skuadrave Kroacia është fitimtare me 4 fitore dhe 1 barazim, ndërsa Island aka vetëm 1 fitore.
Në të gjitha ndeshjet e fituara nga Kroacia, ballkanasit kanë shënuar të paktën 2 gola.
Në 4 ndeshjet e fundit mes dy ekipeve janë dhënë 3 kartona të kuq.
Kroacia luan për herë të pestë në Botëror, por kjo mund të jetë hera e parë që ka mundësi të mbyllë grupin pa humbje ose edhe me 3 fitore.
Formacionet e mundshme
