Një dokument i Hipotekës së Durrësit, i publikuar nga ish kryeministri Sali Berisha zbulon se Emiliano Shullazi është pronari i vetëm i Hotel Vollgës, që gjendet në rrugën Taulantia.
Në krah të emrin të Shullazit, dallohet se prona është “e dhuruar”. Ky është dokumenti i parë që publikohet për pasurinë e një prej emrave më të përfolur të krimit në Shqipëri dhe sipas Berishës kjo nuk është e vetmja e Shullazit. “Perveç ketyre, Milit te Edvin Shullazit i janë dhënë në Durrës, kodra Mbretërore, territori rreth pallatit Mbretëror. Ai me 5 kompani ka marrë në përdorim për sezonin turistik të gjithë bregdetin e Bashkisë së Durrës” shkruan Berisha.
Ish kryeministri dallon në emrat që e kanë “dhuruar” pronën disa persona me mbiemrin Kodra. Berisha kujton se në dhjetor të vitit të kaluar, një i ri me të njëjtin mbiemër u vra në këtë qytet, por shkruan se nuk dihet nëse ka lidhje me pronën tek Vollga. Sipas Berishës, kjo pronë është arsyeja që Vangjush Dako është rrahur nga Shullazi dhe që kryeregjistruesi i qytetit është marrë peng.
STATUSI I PLOTË I BERISHËS NË FACEBOOK:
