Një emigrant nga Shqipëria, i cili ka punuar në një restorant në Nju Jork, për 24 vite, pretendon se nuk lejohej të telefononte gruan dhe fëmijët e tij përpara se të depërtohej në muajin prill.
Sokol Vokshi, 47 vjeç, i njohur gjithashtu në Sal, ishte “kamerieri i preferuar i të gjithëve” në restorantin Golden Reef në vendin e quajtur Long Island përpara se të depërtohej. Burri i martuar me dy fëmijë thotë se u dërgua në vendin e tij të lindjes më 4 prill, përpara se ai të mund të shihte vajzat e tij, 12 dhe 14 vjeç.
“Nuk e di pse më ndodhi kështu,” thotë Vokshi për New York Post. Vokshi që ka një shtëpi të tijën në Elmont të Shteteve të Bashkuara të Amerikës, tani aktualisht ndodhet në Durrës, Shqipëri.
Vokshi është përpjekur të marrë nënshtetësinë amerikane që nga viti 1993 kur mbërriti në SHBA si azilant. Aplikimi i tij për të jetuar në SHBA iu mohua në 1997 dhe iu kërkua të largohej nga vendi. Megjithatë avokatët e tij i thanë që të vazhdonte apelimin.
“Sal është miku me të cilin kemi ndarë vaktet tona prej vitesh, flasim për sport, politikë, motin dhe familjet tona. Shpresoj që ai të rikthehet sërish në SHBA,” thotë një klient i rregullt i tij.
Një poster që varet aty tregon dy fotografi të “Sal” dhe publikon një fushatë GoFundMe të krijuar nga konsumatorët për të ndihmuar në mbulimin e tarifave ligjore dhe shpenzimeve të tjera.
Deri më tani, më shumë se 11,600 dollarë nga 168 njerëz janë mbledhur për fondin “Get Sal Back to the USA” të filluar nga klienti Warren Prosky më 22 prill.
