Një fushatë kontroverse është ndërrmarrë me fshatarët kinezë, të cilëve u kërkohet të dorëzojnë arkivolet e tyre.
The Paper, një faqe online me mjaft influencë në Kinë, shkruante më 23 qershor se më shumë se 5 mijë banorë rezidentë në jug lindje të provincës Xiangi kanë dorëzuar arkivolet, madje shumë prej tyre e kanë bërë me detyrim.
Media gjithashtu ka postuar foto të arkivolëve prej druri që merren me karroca apo transportohen nga ndërtesa të larta dhe hiqen nga qytetin Gao’an
Kina po përpiqet të ndryshojë perceptimin lidhur me ceremoninë e varrimit tradicional dhe të inkurajojë kremimin, (djegien e trupit) me qëllim që të kujdeset për burimet e saj tokësore.
Tradicionalisht kinezët besojnë se groposja është ” mënyra e duhur për të trajtuar një trup të vdekur” shkruan agjencia e lajmeve kineze Xinhua.
Kinezët investojnë shumë në ceremonitë e varrimit dhe në arkivole duke besuar se në këtë mënyrë ata tregojnë respekt dhe devotshmëri ndaj të vdekurit.
Sipas gazetës tre makina të mëdha janë parë gjatë fundjavës që lamë pas, të shkojnë e vijnë nga qyteti Gao’an për të mbledhur arkivolet që qytetarët mbajnë nëpër shtëpi.
Punëtorët kishin dhe në shtëpinë e një 94 vjeçari të cilit i ishte treguar një dokument ku tregohej se kishin ndryshuar politikat e varrimit në rajon.
I moshuarimenjëherë ‘dorëzoi arkivolin të cilin e kishte ruajtur prej vitesh” shkruan gazeta.
Ndërkohë gazeta Global Times shkruan se banorët kompensohen me një shumë prej
2,000 yuan ($308) për çdo arkivol që dorëzojnë.
Sidoqoftë kjo është një shumë e vogël krahasuar me atë që banorët shpenzojnë për një arkivol.
Në disa zona rurale shumë njerëz përgatisin arkivolin shumë përpara se të vdesin, shkruan Global Times.
Ndërkohë Beiijing Neës shkruan se disa rezidentë në provincë të cilët kishin mbajtur arkivolin e tyre në makinat që kishin përdorur më parë janë gjobitur.
Rasti i fundit ishte ai në prill ku më shumë se 1 mijë arkivole druri u shkatërruan pranë qytetit Shangrao, Global Times raporton.
Shumë qytetarë kanë qenë kritikë lidhur me reformën për të vdekurit në provincën e Jianxi
Ata thonë se ti marrësh dikujt arkivolin do të thotë ta lëndosh emocionalisht.
Prej vitesh Kina vuan problemin e gjetjes së hapësirës tokësore për të varrosur të vdekurit. Në prill 2016 agjencia e lajmeve kineze Xinhua trajtoi këtë problem për kryeqytetin, Pekin.
” Shumica e varrezave janë plot, kështu që varrosjet në qytetet fqinje janë bërë popullore. Rreth 80% e parcelave në varreza, në qytetet Hebei që rrethojnë Pekinin u shiten banorëve të kryeqytetit”, shkruante agjencia.
Ndërkohë Kina ka një plan 5 vjeçar për të zgjidhur këtë problem.
Në 2016, nëntë nga departamentet e qeverisë qëndrore të Kinës lëshuan udhëzime të përbashkëta si vendi mund të promovonte më tej funeralet eko-miqësore për të kursyer burimet e tokës deri në vitin 2020.
Qeveria po promovon varrimin në det, ose varreve poshtë pemës- në vendin ku digjet trupi, në mes të hirit mbillet një pemë.
Në zonat urbane me popullsi të dendur, ajo gjithashtu promovonte varre vertikale, varre të vogla, dhe inkurajoi anëtarët e familjes që të ndajnë të njëjtin varr
Por kohët e fundit po nxit publikun të largohet nga dëshira për t’u varrosur, në favor të djegies (kremim).
Ministria e Çështjeve Civile i tha medias zyrtare në vitin 2014 se ajo ishte “duke synuar ceremoninë e kremimit për gati 100 % rastet e vdekjes deri në 2020”
/Pershtatur nga BBC/
