Një valixhe e dyshuar se mban lëndë plasëse është gjetur pak momente më parë pranë Piramidës në Bulevardin “Dëshmorët e Kombit” në kryeqytet.
Policia e Tiranës ka rrethuar menjëherë vendngjarjen duke ndaluar qarkullimin në rrezen rreth valixhes, teksa pritet që ekpertët të mbërrijnë për të ndërhyrë.
Njoftimi i policisë:
Më datë 24.06.2018, rreth orës 20:25, nga Komisariati Dixhital njoftohemi se në bulevardin “Dëshmorët e Kombit”, pranë bustit të “Papa Gjon Pali i Dytë”, është gjetur një valixhe e dyshimtë.
Në vendngjarje kanë shkuar shërbimet e policisë të Komisariatit Nr.1, ku kanë formuar perimetrin e sigurisë, si dhe është njoftuar njësia antieksploziv për të kryer veprimet e mëtejshme.
