Për të cituar në mënyrë korrekte Kryetarin Lulzim Basha, që akuzoi Taulant Ballën në parlament të enjten se ishte i përfshirë në skandalin e milionave euro para të pista.
Nga foltorja e Kuvendit, Basha akuzoi kryetarin e grupit parlamentar socialist, Taulant Balla se në një automjet të porositur prej tij nga Gjermania, ishin konstatuar 1.5 mln euro, të cilat po vinin në drejtim të Shqipërisë. Ky automjet u kap sot në Portin e Durrësit dhe gjatë kontrollit u gjetën jo 1.5 por plot 5 milionë euro.
“Njëri prej atyre që zgërdhihen më shumë ( duke treguar me gisht nga Balla, qe po qeshte bashke me Ramen) ka qenë në Gjermani para tre ditësh. Mbajeni mend këtë që po ju them! Dhe ka porositur një Toyota Yaris! Por ta kanë zbuluar Toyotën, o zgërdhimtar, bashkë me 1.5 milion euro të drogës brenda!
Vazhdo qesh, do ta shikosh se çfarë do të tundet para hundës shumë shpejt”– tha Basha në parlament, kur theksoi rolin vendimtar të opozitës që Gjermania të mos refuzonte hapjen e negociatave me Shqipërinë.
Ndiqni videon e plotë të Lulzim Bashës:
Përkundrejt akuzave të Bashës, socialistët me Ramën në krye ia plasën të qeshurave. Mbetet për t’u parë nëse po qeshin edhe në këto momente.
