Detaje të reja kanë dalë sa i përket aksidentit me vdekje që ndodhi të mërkurën në Itali dhe që po akuzohet një shqiptar.
Mediat italiane kanë mësuar se shqiptari 42-vjeçar nuk duhet të ishte fare duke drejtuar makinën natën e aksidentit. Ai ka qenë i dënuar më parë për trafik ndërkombëtar droge dhe duhet të ishte në banesë, pasi ishte dënuar me arrest shtëpie.
Kështu, ai ka shkelur dënimin e dhënë duke shkaktuar një aksident me pasojë vdekjen. Shqiptari udhëtonte me një makinë Daewoo dhe u përplas me një makinë tip Fiat, që drejtohej nga një grua, e cila humbi jetën kurse vet 42-vjeçari mbeti i plagosur.
