“Janë momente shumë të vështira, por duhet të bashkëjetojmë me to.” Willi Caballero ka thyer heshtjen pas humbjes së bujshme, 3-0, që Argjentina pësoi ndaj Kroacisë në Kupën e Botës 2018, ku gjithçka nisi edhe nga gabim trashanik i “gardianit” të portës, kur rezultati ishte 0-0.
“Doja të flisja gjatë, por ky nuk është momenti. Tani duhet vetëm të punojmë për të dalë nga kjo situatë. E gjithë ajo që mund të them mund të krijojë debat dhe mund të vihet në diskutim, e di mirë diçka të tillë. Kësisoj kam vendos të kërkoj falje dhe të punojë me kokën poshtë për aq kohë sa do të jetmi në këtë botëror,” – tha Caballero.
