Fernando Santos siguroi gazetarët portugezë se skuadra kombëtare nuk ka varësi nga Cristiano Ronaldo dhe ai vetë nuk do ta donte këtë gjë”. Trajneri i luzitanëve është i vetëdijshëm se jashtë kampit në Portugali flasin vetëm për Cristianon, por ai nuk e konsideron se në mesin e lojtarëve që drejton është “Ronaldodependencia”:
“Nga jashtë flitet vetëm për Ronaldon, por te Portugalia ka edhe lojtarë të tjerë. Ne i japim shumë rëndësi grupit. Kuptohet, Cristiano është kapiteni dhe lideri ynë. Si trajner nuk dua që lojtarët e Portugalisë të punojnë duke menduar që, nëse nuk është Ronaldo, çfarë do të ndodhë. Unë e pranoj se kjo mund të ndodhë, por Portugalia nuk ka varësi nga Cristiano”.
Për Santos, ndeshja mes Spanjës dhe Iranit mund të shërbejë si një paralajmërim për të tijtë: “Ky është një alarm i shkëlqyer për ne. Lojtarët e dinë se do të jetë një ndeshje shumë e komplikuar”.
