Lojtari i përfaqësueses kroate Ante Rebic i Eintrach Frankfurt ka refuzuar të shkëmbejë fanellën me superyllin argjentinas Lionel Messi në përfundim të takimit të fituar 3-0 nga ballkanasit.
“Të them të drejtën, kisha planifikuar përpara ndeshjes që të merrja fanellën e Messi-t. Për një mikun tim, i cili e admiron.
“Por argjentinasit më kanë lënë një përshtypje të keqe. Kështu që nuk e doja më atë fanellë,” shprehet Rebic për goal.hr.
“Ata më kanë befasuar me sjelljen e tyre dhe mungesën e Fair play. Për të mos folur për provokimet e tyre gjatë gjithë ndeshjes,” shprehet lojtari i golit të parë që i ka siguruar kalimin në fazën tjetër Kroacisë.
“Duhet të dish edhe të humbasësh dhe në fund të ndeshjes të urosh kundërshtarin.”
