Trajneri i Arsenal, Arsene Wenger, në prag të ndeshjes së sotme ndaj Crystal Palace ka kërkuar më shumë përqendrim në fushë nga lojtarët e tij, duke u kujtuar atyre se fitorja dhe 3 pikët janë më të rëndësishme. Francezi është shprehur se shpesh Arsenal këtë sezon ka lëshuar pikë ndaj ekipeve të vogla, ndërsa me rivalët për titull ka qenë gjithnjë i barabartë.
Wenger kërkon të mbajë lart përqendrimin dhe të kapë një vend në Champions League sezonin tjetër, ndaj synon vetëm fitoren sot ndaj Palace. Në fazën e parë, “topçinjtë” kanë fituar 2-1 jashtë fushe. Wenger, 66-vjeçar konsiderohet një nga trajnerët më të mirë në qarkullim “Nëse shihni sezonin e Arsenal, do të vëreni se ne jemi ekipi që kemi bërë më shumë pikë ndaj skuadrave të mëdha.
Por kur nuk ndiejmë shumë presion, gabojmë dhe kemi zhgënjyer. Unë u them gjithnjë lojtarëve se është përgjegjësia jonë që të luajmë çdo ndeshje me të njëjtin ritëm, nga minuta e parë deri te e fundit e sezonit”, tha Wenger, që më tej shtoi. “Ne duhet të prodhojmë lojën tonë në çdo moment dhe të mos përsërisim gabimet se në ndeshjen ndaj West Ham. Nuk ka rëndësi se ndaj kujt luajmë, çdo ndeshje vlen tri pikë”.
