Gjatë orëve të fundit në Rusi ka shpërthyer një skandal diplomatik: një tifoz argjentinas ka publikuar një video në të cilën mund të shihet një vajzë 15 vjeçare ruse, që thotë disa fjalë vulgare në gjuhën spanjolle.
Është e panevojshme të thuhet, se filmimi i turpshëm i Néstor Fernando Penovi, 47 vjeçar argjentinas, ka shkaktuar reagim dhe përbuzje në web, por nuk mbyllet këtu. Sipas asaj që raporton Guillermo Madero, një drejtues nga Ministria e Brendshme e Argjentinës, tifozit nuk do ti lejohet asnjëherë hyrja në stadiume: “Kam zhvilluar një bisedë me ministrin Bullrich dhe u vendos që këtij personi të turpshëm, të pandershëm dhe të pahijshëm ti ndalohej hyrja në stadiume përgjatë Botërorit. Kjo sjellje na ka dëmtuar për shkak se ka mijëra njerëz që sillen në mënyrë shembullore “.
Por nuk mbyllet me kaq. Në këtë çështje ka ndërhyrë edhe Ambasada ruse në Argjentinë që përmes një njoftimi për shtyp kritikoi ashpër qëndrimin e Penovi duke deklaruar: “Ambasada ruse në Argjentinë është thellësisht e indinjuar për këtë veprim të pahijshëm dhe ofendues, sipas asaj që raportojnë rrjetet sociale, në Rusi nga një turist argjentinas. Shpresojmë që ky person të ketë kurajon të kërkojë menjëherë falje publike “.
