Trajneri i Argjentinës, Horge Sampaoli, mori mbi vete të gjithë përgjegjësinë për këtë dështim në Rusi, dhe tha se ndjen dhimbje për popullin e Argjentinës.
“Për këtë ndeshje plani nuk funksionoi, por tani duhet të presim një shans minimal për të qëndruar e për të luftuar. Nuk kam ndjesi turpi, por ndjej dhimbje për këtë humbje dhe për njerëzit argjentinas. Përgjegjësia është e gjitha e imja. Nuk duhet të kapemi pas situatave të lojtarëve në fushë. Është përgjegjësi e trajnerit. Fakti që nuk patëm fat për golin e parë na uli psikologjikisht dhe pastaj nuk kishim çfarë të bënim më” – deklaroi Sampaoli në fund të ndeshjes.
