Irani është ende në lojë për kualifikimin në raundin e 1/8-ave pavarsisht humbjes 1-0 ndaj Spanjës në ndeshjen e dytë të grupit B, disfatë që ka lënë një shije të hidhur te trajneri i përfaqësueses aziatike, portugezi Carlos Queiroz. Irani bëri një paraqitje shumë të mirë në këtë sfidë, aq sa fatet e takimit u vendosën nga një gol me fat i Spanjës, ndërsa aziatikëve iu anullua një gol për shkak të ndërhyrjes së VAR. Si një portugez Queiroz në përfundim të sfidës nuk nguroi të thumbonte spanjollët.
“ Goli i anulluar? Sa keq që VAR nuk ishte në 2010-ën kur Spanja shënoi me Villan ndaj Portugalisë time”.
Queiroz i është referuar golit në pozicion jashtë loje që eliminoi Portugalinë që drejtohej nga vetë ai në Botërorin Afrikë e Jugut 2010, në ruandin e 1/8-ave me Spanjën që avancoi më tëj dhe më pas fitoi Kupën e Botës. Më pas trajneri i Iranit shtoi se skuadra e tij luajti si e barabartë ndaj Spanjës dhe do ta kishte merituar një pikë.
