Trajneri i Brazilit, Tite, thotë se nuk i ka thënë Neymar të ndryshojë mënyrën se si luan përpara ndeshjes me Kosta Rikën të premten. Neymar zhgënjeu në ndeshjen e Brazilit kundër Zvicrës, në barazim 1-1 në “Rostov-on-Don” të dielën. Sulmuesi i Paris St Germain çaloi në seancën stërvitore të së martës, por të mërkurën u kthye për të punuar me topin dhe ai do të jetë titullar për Brazilin kundër Kosta Rikës. “Të gjithë lojtarët kanë përgjegjësinë të luajnë për ekipin dhe duke qenë individë. Unë nuk do të marrë atë iniciativë të largoj Neymar nga e treta e fundit e fushës. Ne duhet të respektojmë karakteristikat e tij në atë pjesë të fushës “, tha Tite në konferencën për shtyp. Tite gjithashtu tha se Neymar mund të ketë nevojë për pesë ndeshje për të arritur formën maksimale pas mungesës prej tre muajsh për shkak të një dëmtimi në këmbë. “Ne duam të fitojmë. Është Kupa e Botës, por trajneri nuk do të luajë me shëndetin e lojtarëve. Ky është një çmim shumë i lartë për të paguar (nëse Neymar nuk do të ishte i aftë)”, shpjegoi ai.
“Do të duhen rreth pesë ndeshje në mënyrë që ai të jetë plotësisht i gatshëm. Ai luajti 90 minuta në ndeshjen e parë dhe tani po e përshpejton procesin. Ka një evolucion që po ndodh”, vazhdoi Tite. Neymar pësoi 10 faulle nga Zvicra në ndeshjen e hapjes dhe nuk arriti të gjejë rrjetën, me shokun e tij të skuadrës Philippe Coutinho që kaloi Brazilin në avantazh përpara se Steven Zuber të barazonte ndeshjen. “Ne kemi një përgjegjësi më të madhe për ta fituar këtë ndeshje. Ne jemi të gatshëm të luajmë shumë mirë nesër”, tha kapiteni brazilian Thiago Silva. Mbrojtësi beson se Kosta Rika do të jetë një kundërshtar i ashpër, pasi ata impresionuan në turneun e vitit 2014 në Brazil, duke përfunduar përpara Uruguait, Italisë dhe Anglisë për të fituar grupin e tyre. “Ne do të përballemi nesër, me një ekip që është shumë i kualifikuar. Ata kanë luajtur ndeshje të bukura në Brazil, i kemi ndjekur ato nga afër. Ata nuk e nisën aq mirë me këtë humbje, por ata janë gati të ringrihen”, shtoi mbrojtësi i PSG.
