Cristiano Ronaldo ka vendosur vulën e tij në këtë Kupë Bote që në javën e parë. teksa futbollisti më i dekoruar në botë ka pasur zhgënjimet e tij gjatë botëroreve të mëparshëm, në Rusi ai e ka nisur në mënyrën e duhur.
Tre gola kundër Spanjës në ndeshjen e parë, dhe golin e fitores ndaj Marokut në të dytën e kanë dërguar në krye të listës së golashënuesve të turneut.
Por këtë vit, vetë portugezi mendon se ka pasur edhe pak fat. Dhe pas golit ndaj Marokut ka një ndryshim stili që jo shumë mund ta kenë vënë re, mjekra.
Tani ai shpjegon edhe festimin e tripletës: “Ishte një shaka që kisha me Quarezma-n. Ishim në sauna dhe i thashë se po të shënoja gol do ta rrisja mjekrën.
Shënova tre gola dhe te i treti Quarezma ishte në fushë prandaj ia bëra me shenjë. Ishte diçka që më dha fat dhe kështu që do ta mbaj.”
Kjo shpjegon edhe festimin e tij, për të cilin tifozët menduan se ishte një kundërpërgjigje për Messi-n, pasi argjentinasi disa ditë më parë kishte pozuar me një dhi.
