Shumë ka rrezikuar Manchester United gjatë fitores 1:0 kundër vendit të fundit të tabelës Aston Villa. Pas një fillimi të kënaqshëm, dhe disa rasteve të krijuar është Rashford i cili edhe njëherë kalon në avantazh vendasit. Dhe dukej sikur kjo do të ishte ndeshja e goleadës, por pas golit erdhi shumë pak. Rashford kishte disa raste, United e kontrollon lojën por janë shumë të ngadaltë në aksionet e sulmit. Edhe kontrolli i lojës përfundon në minutën e 80-të, teksa Aston Villa merr zemër nga paaftësia e mikpritësve për të mbyllur ndeshjen. Miqtë krijojnë edhe disa rate për gol, dhe një shtyllë, por United arrin ta menaxhojë rezultatin në minutat e mbetura.
Pjesa I Vendasit janë ata që kërkojnë golin kundër ekipit më të dobët në Premier League. Por aksionet e tyre tepër të ngadalta deri tani kanë qenë tepër të lehta për t’u neutralizuar nga mbrojtja e Aston Villa. Pas shumë javësh rikthehet Wayne Rooney në formacion, i cili luan pas sulmuesit kryesor Rashford. Më në fund mikpritësit arrijnë të shënojnë golin e parë në një ndeshje të çuditshme, sepse përpara dhjetë minutash binte breshër, dhe tani, në minutën 32-të ku u shënua dhe goli ka dalë dielli. Një tjetër i rikthyer, Antonio Valencia, ka dhënë një top për të riun Rashford, i cili brenda në zonë nuk e ka të vështirë ta çojë topin në rrjetë. United merr lojën në kontroll deri në minutat e mbetur të pjesës së parë dhe me siguri do të mundohet të thellojë rezultatin në të dytën.
Pjesa II United është në kontroll të plotë të ndeshje, duke luajtur me pasime të shkurtra drejt zonës kundërshtare. Nëse rezultati është akoma 1:0 edhe 15 minuta pas pjesës së dytë është vetëm nga shpërdorimet e rasteve të sulmuesve të United, sidomos Rashford. United është me fat që ka kundër ekipin më jashtë forme të sezonit, sepse po të ishin duke luajtur e një ekip tjetër me siguri që rezultati nuk do të ishte i njejtë. Aston Villa ka dy raste të njëpasnjëshme në minutën e 83-të dhe 84-rt. Jo vetëm aq por miqtë marrin zemër dhe fillojnë sulmojnë, pas e shohin se me pak fat edhe mund të marrin një barazim. Por United arrin të menaxhojë rezultatin në minutat e mbetura.
