Një operacion shpëtimi është zhvilluar në det të hapur pranë grykëderdhjes së Vjosës, pasi 11 emigrantë nga vendet e Lindjes së Mesme lëshuan sinjal SOS, ndërsa ndodheshin rreth 8 milje larg bregut.
Raportohet se emigrantët dyshohet se po tentonin të kalonin ilegalisht kufirin detar, kur u përballën me vështirësi dhe rrezikuan të mbyteshin.
Të 11 personat u shpëtuan dhe ndodhen në gjendje të mirë shëndetësore. Aktualisht, ata po transportohen me mjet lundrues të Policisë Kufitare drejt Triportit, ku do t’u nënshtrohen procedurave të mëtejshme.
