Pas sherrit te sotem ne Komision dhe perplasjeve te forta mes demokratit Noka e kryebashkiakut Veliaj, mbledhja e komisionit të Medias, me kryeteme Teatrin, vijoi pa opoziten.
Deputeti demokrat Hekuran Hoxhalli, specialist i ndërtimeve, i cili një javë më parë kishte vën nën akuzë Kryeministrin Rama me atë që e quajti “afera korruptive me teatër kombëtar”, duke i nxjerrë projektit te teatrit “faturën e korrupsionit” në vlerën stratosferike te dyqind e pesë milion eurove, u mor në këtë mbledhje me përgjegjësinë e bashkisë Tiranë dhe dëmin që ky projekt i sjell kryeqytetit për shkak se, siç tha ai, Kryebashkiaku nuk po sillet si pronar “tironc”, por po i shërben oligarkëve.
“Hapeni njëherë garën dhe vendosni në termat e referencës që Shteti do 40 % të ndërtimit të këtij projekti në qendër të Tiranës dhe e shohim pastaj ka ofertues apo s’ka”– tha ai, duke renditur gjithe argumentet qe rrezojne pretendimet e bashksise per godinen ne fjale.
Fjala e Hekuran Hoxhallit
Duke parë këmbëngulen e fortë të Kryetarit të Bashkisë Tiranë për ti dalë për zot këtij procesi gjithësecilit, i lind natyrshëm pyetja:
Cfarë kërkon ai me këtë objekt kur nuk e ka detyrë funksionale të vetën?!
(Teatri kombëtar është projekt kombëtar dhe si i tillë i takon një organi qëndror të meret me të!).
Pikërisht Ministrisë së Kulturës, që është dhe iniciuesja e projektligjit.
Pse nuk e lejojnë ministren kompetente të japë shpjegimet e nevojshme sikurse i kërkohen nga Komisioni?!
Nuk ka besim Kryeministri tek ministrja e vet dhe ia ngarkon këtë detyrë atij që nuk i takon?!
Pse po na shitet se pa këtë Teatër të rrethuar më Gjashtë kulla po stopohet zhvillimi social-ekonomik i Shqipërisë?!
Në po këtë komision, në mbledhjen pararendëse bëra një analizë, të parë nga këndvështrimi i një specialisti të fushës.
Dëgjova Kryetarin e Bashkisë në Televizion se nuk duhet bërë kështu analiza, por duhet bërë si “Tironc” si pronar toke!
Dhe unë jam dakort ta bëjmë dhe kështu kthehemi atu ku e lame marim një kullë me sipërfaqe ndërtimi 17100 m2 (kaq sa dimë së Projekti është akoma sekret, ndoshta mund te jete dhe me shume) e shumëzojmë për gjashtë kulla rezulton se do ndërtojmë 102 000 m2.
“Tironcit” pronarit të tokës i takon 40%, që do të thotë 41’040 m2 ndërtim, e shumëzuar kjo me 2500 euro/m2 na del 102 600 000 euro!
Teatri kushton sipas kryetarit 30 000 000 euro.
Ku shkjonë të tjerat?! Kush i përfiton keto te ardhura? Cdo te bëhet me tre teatro të tjerë, që mund të ndërtohen me to?! Këtu ndodhemi pa përgjigje, këtu fillojmë bëjmë sher në komision, që mos kuptojë njeri gje, duke shkaktuar lemsh dhe mish mash.
Keni frikë se ska treg???? Hapeni njëherë garën dhe dhe vendosni në termat e referencës që Shteti do 40 % të ndërtimit të këtij projekti në qendër të Tiranës dhe e shohim pastaj ka ofertues apo ska?????
Është munduar Kryetari i Bashkisë ta tërheqë debatin në rrugë pa krye, duke krijuar vecse nje vorbull informacioni, pa logjike ndertimore dhe ekonomike te kthjellet..
Nuk e kalsifikon IMK si objekt të trashëgimisë Kulturore Historike. Sikur tendë, cadër të kishte qënë dhe jo godinë, për aq vepra arti dhe kulture kombetare të prodhuara në të, për faktin që në atë godinë është vënë guri i themelit të arit tonë skenik, duhet të shpallej i tillë. Dhe si për ironi, te mbahet si monument në oborrin e kësaj godine një bunker i cili tregon vërtet një pjesë të Historisë tone, por atë më të erret ama.
I përdori specialistët e fushës deri në poshtërim Kryetari i Bashkisë duke i kërkuar të na thonë: Se Objekti duhet rrafshuar urgjentisht, ka rrezik shembje, nuk rikonstruktohet etj.
Kanë qeshur me lot njerëzit kur mësuan nga arkitektet e Edi Ramës se betoni është shpikur në të njëjtën kohë me ndërtimin e teatrit dhe ndërtimi është bërë me kolona pa armim tërthor, pa stafa, etj.
Jemi shumë dakort që mund të këtë probleme konstruktive të cdo lloji (të cilat duhen parë sigurisht), por nuk mund të themi, që objekti nuk është projektuar dhe zbatuar konform KTP dhe KTZ (Kushteve teknike te projektimit dhe zbatimit të punimeve të ndërtimit) të kohës se ciles i perket. Objekti është ndërtuar rreth 70 vjet, më parë dhe si i tillë kuptohet qe nuk respekton normat e sotme konstruktive në fuqi, kjo për shkak të jetëgjatësisë. Normat e projektimit si edhe kerkesat e sigurise dhe te qendrueshmerise se ndertesave, kane evoluar, nderkohe qe struktura e teatrit ka mbetur e njejte.
Në të njëjtën kohë dhe të njëjtët persona kanë ndërtuar edhe Godinën e MZHU, që është ngjitur me teatrin kombëtar, (edhe kryeministrinë, dhe shumë objekte të tjera). Po në këto kushte pse nuk e përforcojmë konform kodeve të restaurimit dhe përforcimit?! A nuk u restaurua salla e hartave ne Kryeministri me fibra karboni, po kështu u restaurua dhe MZHU ngjitur me Teatrin për më teper ju shtua dhe një kat shtesë (Objekt që është në të njëjtat kushte teknike si Teatri).
Dhe për të mbyllur argumentin teknik i kujtoj specialistëve, që kanë vendosur të përdoren nga pushteti për arsyet e tyre, që në atë kohë llogaritjet bëheshin sipas medodës së nderjeve të lejuara, keshtu Konstruksioni është projektuar dhe realizuar me sistem konstruktiv te kombinuar, me murature mbajtese dhe me kolona beton arme ne brendesi, sistem ky që redukton efektet nga forcat prerëse për shkak të tërmetit apo forcave të tjera të jashtme.
Por kryetari i Bashkisë ne sinkron me gjithë shpurën e vet së bashku na ka thënë një të vërtëtë të madhe po e bëjmë si po bëhet dhe aeroporti i Vlorës . Këtu jemi dakort me të po ashtu po e bëni z Kryetar, por mos haroni se dhe ai është një projekt tërësisht korruptiv fillim e mbarim.
Meqënëse jemi në vitin e Skenderbeut , Edi Beu (Skënderbeu i Ri sipas Spiropalit), nuk mund të rinte pa e zhvilluar një betejë me turqit, por me këtë ndryshim:
Gjergj Kastrioti Luftoi për të mos ja dorëzuar turqve kalanë e Kaninës.
Edi Rama ja shiti atyre së bashku me fushën e Akërnisë bile dhe me dasëm.
Po e përsëris për të disatën here, kjo nuk është betejë “për jetë a vdekje” për kulturën, nuk zhvillohet midis dashamirëve të artit dhe armiqve të tij, por është betejë për jetë a vdekje për shtetin ligjor dhe kundër korrupsionit, e cila duhet të zhvillohet midis shqiptarëve dhe udhëheqësve të korruptuar, në qeveri dhe në Bashki. Të thotë sa të dojë kryetari “po i jap për teatër”. Nuk ka asnjë mundësi ligjore. Ligji thotë: VETËM ME ANKAND!
Me ankand nuk do qeveria se nuk do oligarku.
Në këto kushte ka vëtëm një pyetje:
SI E KA EMRIN NJE QEVERI, E CILA MIDIS INTERESIT TË PUBLIKIUT DHE INTERESIT TË OLIGARKUT ZGJEDH KETE TË FUNDIT?!
Kësaj pyetje i jep përgjigje vetëm ai në emër të të cilit bëhen të gjitha populli shqiptar!
