Autoritetet kolumbiane kanë arrestuar vëllain e trafikantit famëkeq ekuadoras të drogës, Adolfo “Fito” Macias, në kuadër të një operacioni të përbashkët mes Kolumbisë dhe Ekuadorit.
¡́ ́ !
La retención de alias Javi’, máximo cabecilla de ‘Los Choneros’ el delincuente más buscado de Ecuador, representa un golpe sin precedentes contra el crimen organizado transnacional en la región.
Este… pic.twitter.com/DKtkO08aX1
— General William Oswaldo Rincón Zambrano (@DirectorPolicia) June 17, 2026
Lajmi u bë i ditur nga ministri i Brendshëm i Kolumbisë, John Reberg, i cili njoftoi se Javier Macias, i njohur me nofkën “Xavi”, u arrestua të martën pasi kërkohej nga drejtësia ekuadoriane për vrasje, pastrim parash dhe pjesëmarrje në organizatë kriminale.
Sipas autoriteteve, “Xavi” jetonte në Kolumbi duke përdorur një identitet të rremë dhe ndaj tij ishte lëshuar një njoftim i kuq nga Interpol. Ministri Reberg nuk dha detaje të mëtejshme mbi vendndodhjen ose rrethanat e operacionit.
Arrestimi vjen një vit pasi vëllai i tij, Adolfo “Fito” Macias, kreu i bandës kriminale Los Choneros, u ekstradua në Shtetet e Bashkuara. “Fito” ishte arratisur në mënyrë spektakolare nga burgu në vitin 2024, përpara se të kapej dhe t’u dorëzohej autoriteteve amerikane në korrik të vitit 2025.
La Policía Nacional (@PoliciaColombia), en coordinación con la Policía de Ecuador (@PoliciaEcuador) y el Centro Nacional de Inteligencia (CNI), capturó en territorio colombiano a
Ronald Javier Macías Villamar, alias ‘Javi’, máximo cabecilla de la organización criminal… pic.twitter.com/sepQobFfst— Mauricio Vanegas (@Marovaan) June 17, 2026
Ai është personi i parë i ekstraduar nga Ekuadori drejt SHBA-së pas referendumit të promovuar nga presidenti Daniel Noboa, i cili ka shpallur një luftë të hapur kundër krimit të organizuar me mbështetjen e Uashingtonit.
Aktualisht, “Fito” po përballet me drejtësinë në Nju Jork, ku akuzohet për shtatë vepra penale, përfshirë trafik droge dhe armësh. Nëse shpallet fajtor, ai rrezikon dënime që variojnë nga 20 vjet burg deri në burgim të përjetshëm.
Banda Los Choneros, e drejtuar prej tij, është cilësuar nga Shtetet e Bashkuara si organizatë terroriste dhe dyshohet se ka lidhje të ngushta me kartelin meksikan të drogës Sinaloa.
