Presidenti brazilian, Luiz Inacio Lula da Silva e përshkroi të martën Sekretarin e Shtetit të SHBA-së, Marco Rubio, si një “armik” të Amerikës Latine, pasi Uashingtoni kërcënoi të vendoste tarifa të reja shtesë doganore për produktet e eksportuara në SHBA nga ekonomia më e madhe e Amerikës Latine, Brazili.
Zyra e Përfaqësuesit të Tregtisë së Shtëpisë së Bardhë (USTR) propozoi, në një dokument të publikuar të hënën, vendosjen e tarifave shtesë doganore prej 25% për produktet braziliane të eksportuara në Shtetet e Bashkuara, pas një hetimi që filloi në korrik 2025 mbi “praktikat e padrejta tregtare” të vendit të Amerikës Latine.
Episodi i ri në tensionet diplomatike dypalëshe u regjistrua vetëm tre javë pas takimit midis presidentit brazilian dhe homologut të tij amerikan Donald Trump në Uashington, me të dyja palët që e përshkruan atë si pozitiv.
“Marco Rubio, i cili është kundër Amerikës Latine (…), i cili është një armik i përbetuar i Kubës dhe shteteve të tjera të Amerikës Latine (…) dhe i tha Trump se nuk e pëlqen Brazilin, nuk ishte i pranishëm” në takimin midis dy presidentëve në Shtëpinë e Bardhë.”, tha Lula.
