Në vitin 1999, familja Kapllani humbi çdo gjurmë të vajzës së tyre, Olimbi Kapllanit. Ajo u largua me skaf drejt Italisë, së bashku me një djalë. Pak ditë më vonë, familja u përballe me një lajm tragjik: skafi ishte mbytur.
Nga ngjarja u gjet vetëm trupi i djalit, i cili u soll në portin e Vlorës. Arkivoli u vulos nga autoritetet dhe nuk u hap kurrë dhe që prej asaj dite, fati i Olimbi Kapllanit mbetet i panjohur.
Vitet kaluan, por misteri vetëm u thellua. Familja ka marrë shpesh informacione të shpërndara dhe të pakonfirmuara, dikush thotë se e ka parë në Berat, një tjetër pretendon se e ka parë në Itali, në shoqërinë e një personi të huaj, ndërsa një tjetër dëshmi e vendos në Athinë. Asnjë gjurmë nuk është verifikuar, por shpresa ka mbetur gjallë.
Sot, kunata e Olimbis kërkon sërish ndihmë, për hir të bashkëshortit të saj, vëllait të Olimbis që pas më shumë se 25 vitesh ende kërkon motrën.
Sipas pretendimeve të familjes, para largimit, jeta e Olimbis nuk ka qenë e lehtë. Familjarët tregojnë se fillimisht nena e saj e kishte fejuar me një person, më pas fejesa u prish, dhe marrëdhëniet në shtëpi u tensionuan rëndë.
Po sipas pretendimeve të tyre, në vitin 1999, Olimbia u nxor fillimisht në rrugë dhe pastaj u shit nga nena për 30 mije leke.
Të afërmit kërkojnë informacion që mund të ndihmojë për ta mbyllur këtë plagë të hapur prej gati tri dekadash.
“E fejoi më përpara me një djalë në Tiranë, e ndau dhe e nxori në rrugë dhe e Shiti. U fejua në moshën 14-15 vjeç pa dëshirën e saj, sepse vendoste nëna. Olimbia ishte më e vogla nga të gjitha fëmijët.
Dhe me motrën tjetër po të njëjtën gjë ka bërë. Fejesën e prishi po e ëma. Vjehrri jeton, babai i Oimbisë thotë se nuk pata mundësi që ta merrja në shtëpi sepse ishte me njerkë dhe nuk donte që të merrte një fëmijë në shtëpi.
Djalin e mori në Vlorë, të fejuar ishin atje dhe jetonin me qera, qëndroi e fejuar rreth një vit. Dhe nëna e nxiti të ndahej. Nga sa më kanë treguar sepse nuk isha nuse ende në atë kohë në familje, siç më kanë thënë ishin një grup trafikantësh, me këtë çunin.. Nëna e shiti për 30 mijë lekë të vjetra për një thes miell”, treguar ajo.
Gjithashtu ajo ka rrëfyer momente tronditëse të asaj ngjarjeje të 30-31 dhjetorit të vitit 1999, ku ishin nisur drejt Italisë me gomone.
“Është nisur drejt Italisë me gomone, ishin dy gomone që trafikonin dhe këta e kanë marrë vesh në 2 janar të vitit 2000 kur u dha si lajm që u mbytën dy gomone në Otranto. Një polic i thotë vjehrrit, të të rrojnë fëmijët që ke sepse janë mbytur.
Dhe pas një 1-2 ditësh u gjet trupi i djalit, arkivoli i atij djalit nuk u hap. Në gomone mund të kenë qenë rreth 15 persona tek njëra dhe 15 tek tjetra…Polici, vjehrrin e përcolli me këto fjalë, të të rrojnë fëmijët që ke sepse të tjerët janë mbytur. Vjehrra kishte shkuar dhe ata të djalit e kishin përzënë”, rrëfen kunata.
