Misteri rreth shiritit të kapitenit të Brazilit në Kupën e Botës është zgjidhur pas njoftimit se Marcelo i “Real Madrid” do ta mbajë në ndeshjen hapëse të grupit kundër Zvicrës. Kjo nxjerr në pah rëndësinë e mbrojtësit të Selecao, të cilët janë një nga favoritët për të fituar në Rusi.
Megjithëse spekulohej se trajneri Tite mund të ndryshonte planin e tij dhe të caktonte një kapiten të vetëm për të gjithë Botërorin, tekniku vendosi të ruajë parimin e alternimit (‘rodizio’). Kur mori përgjegjësinë për të drejtuar ekipin kombëtar brazilian, ai u përball me një problem në këtë drejtim. Neymar, i “ngopur” me kritikat nga një pjesë e shtypit dhe e tifozëve, vendosi të heqë dorë nga pozita e tij si kapiten. Thiago Silva u hoq nga ish-trajneri Dunga në vitin 2014, pasi humbi 11-metërshin kundër Kilit.
Trajneri Tite ka zgjedhur në 21 ndeshjet e fundit të Selecaos plot 14 kapitenë të ndryshëm: Dani Alves (katër herë), Miranda (tre), Neymar (dy), Thiago Silva (dy), Marcelo (dy, bashkë me të dielën), Casemiro, Renato Augusto, Gabriel Jesus, Willian, Philippe Coutinho, Fernandinho, Marquinhos, Filipe Luis dhe Robinho. Në rast se ata arrijnë në finale, të gjitha parashikimet tregojnë se shiriti i kapitenit do t’i dorëzohet Neymar-it.
Dua që të gjithë të ndihen përgjegjës dhe dua “… t’u mësoj të gjithëve që të ndihen si udhëheqës”, – thotë trajneri brazilian.
Të dielën në orën 20.00 Brazili do të bëjë debutimin në Botërorin e Rusisë në përballjen me ekipin përfaqësues të Zvicrës në “Rostov Arena”, ndeshje e vlefshme për grupin E.
