Argjentina nuk ia doli të fitonte në përballjen e parë të vlefshme për Kupën e Botës “Rusi 2018”, ndaj Islandës. Skuadra e udhëhequr nga kapiteni Lionel Messi u ndal në barazim 1-1 në “Spartak Stadium”.
‘Hirushja’ mori një pikë tejet me vlerë ndaj skuadrës së trajnerit Jorge Sampaoli, i cili la në stol dy sulmuesit e Juventus, Gonzalo Higuain dhe Paolo Dybala. Megjithatë, në tribunë nuk ka munguar legjenda e futbollit argjentinas, Diego Armando Maradona.
Pavarësisht se kombëtarja e tij nuk ia doli të fitojë në sfidën e parë të Grupit D, tifozet e shumta bukuroshe nuk munguan në shkallët e stadiumit ndërsa përkrahnin ekipin e tyre të zemrës.
Duket që garën në tribunë për bukuri e kanë fituar tifozet argjentinase, të cilat janë të shumta në numër dhe tejet simpatike karshi atyre islandeze.
